गणपती बाप्पा मोरया..

त्रिवार वंदन या श्री गणेशास करतो
निर्मळ, निरागसतेचे वरदान मी मागतो

प्रत्येक शुभारंभी असे विनायकाचे नाम
आशिर्वादे त्याच्या , पूर्ण होई इष्ट काम
नसेल निष्काम , सत्हृदय भक्ती मी करतो..
...त्रिवार वंदन या श्री गणेशास करतो

देव आहे,नाही , वाद थोडा ठेवा बाजूला
निमित्ये या, अहंकार तुझा बघ खिजला
आनंदात या, शरण मी त्यास जातो
...त्रिवार वंदन या श्री गणेशास करतो

मुक्त हसा , खेळा, बागडा या उत्सवात
लीनही व्हा चरणी, दंग नको फक्त नाचात
कृपेने त्याच्या, दहा दिवस स्वर्ग लाभतो
त्या श्री गणेशास त्रिवार वंदन मी करतो
निर्मळ, निरागसतेचे वरदान मी मागतो...