असंच काहीतरी...

वाटलं यार, आज खरं खरं बोलुया
थोडं हळवं , जरासं बावरं बोलुया

बोचेल स्वतःचच मुळ रुप कुणाला
माणुसपणाचा मुखवटा बाजुला ठेवुया

चला चिक्कार देणग्या देऊ मंदिराना
देवालाही काळा भागीदार बनवुया

यत्र तत्र सर्वत्र मस्त खाऊ रे पैसे
माणुस असुन माणसालाच खाउया

कुणाचं होऊ दे रे गोलंसं वाट्टोळं
चल आपण गोडसं प्रेमगीत आळवुया

इथे फ़ायदा, तिथे मिळण्याची आशा
नको तिथे उगाच कशाला फ़िरकुया

तसेही कुणीच काही करत नाही
नुसतेच एकमेकाना हिप्पोक्रॅट म्हणुया